Новости

Бүгүн биһиэхэ ыалдьыттар

Аманатова Валентина Николаевна салайааччылаах Майаттан "Саһарҕа" литературнай түмсүү кыттыылаахатара Лоомтукабытыгар ыалдьыттаан бардылар. В.П. Ларионов музейын сэргии көрдүлэр, Надежда Диктовна кэпсиирин болҕойон иһиттилэр. А.М. Алексеев түмэлин астыннылар, Петр Петрович Манньыаттаах Уолун туһунан эмиэ сырдатан кэпсээтэ. Онтон олохтоох библиотекаҕа киирэн "Лоомтука лоһуора" түмсүүнү кытары көрсөн ирэ-хоро, итии чээй иһэ-иһэ санааларын үллэһиннилэр, айбыт хоһооннорун аахтылар, "Тыыллымаана" түмсүү үнкүүлэрин видеонан көрөн үөрдүлэр, нэһилиэк олохтоохторун, билэр дьоннорун туһунан ыйыталастылар. "Тыыллымааналар" сиэлинэн оҥоһуктарын оҥоро сылдьалларын көрөн сөхтүлэр, астыннылар. Нэһилиэкпит олус сэргэхтик олорор эбит диэн үөрбүт санааларын эттилэр.

Үөрэх

Сайтпытын саҥалыы үлэлэтии

Бүгүн Майаҕа киннэммит библиотекаҕа конструктор сайтка хайдах үлэлиир туһунан үөрэх буолла.

Г.В. Никифоров-Манньыаттаах Уола

Г.В. Никифоров-Манньыаттаах Уола (1871-1964) 1 гильдиялаах атыыһыт, коммерция советнига, меценант. 1901-1913 сылларга Якутскай куорат думатыгар гласнай. 1916 сыллаахха дойдутугар оскуола аспыта.

С.З. Борисов

С.З. Борисов (1911-1999) 1929 с. Мэҥэ Хаҥалас улууһун райисполкомугар инструктор. 1932-1934сс. Саха АССР Верховнай Советын Президиумун инструктора. 1934-1938сс. Сунтаар оройуонун райисполкомун председателя. 1946-1951сс. Саха АССР Министрын Советын председателя. 1951-1965сс. ССКП Саха сиринээҕи обкомун 1 секретара. 1965-1969сс. РСФСР Министирдэрин Советыгар Советник. ССРС Верховнай Советыгар 1950 сылтан 4 төгүллээн, Саха АССР Верховнай Советыгар 6 төгүллээн депутат.

С.З. Борисов аатынан Тыыллыма орто оскуолата

Оскуолабыт "Утум" өрөрспүүбүлүкэтээҕи Саха Саарыннарын аатын сүгэр оскуолалар Ассоциацияларыгар 2009 сыллахха киирбитэ. Оскуола Ассоциация ыытар тэрээһиннэригэр хаста да кыттыбыта, С.З. Борисов 100 сыллаах үбүлүөйүн көрсө региональнай Ааҕыылары ыыппыта, ону таһынан өрөспүүбүлүкэҕэ ыытыллыбыт "Төрөөбүт дойду" хамсааһыҥҥа, өрөспүүбүлүкэ "Ытык Сүбэтин" Кэс тылын олоххо киллэриигэ үлэлиир.